Սյունիքի մարզի Կաղնուտ գյուղական համայնքում նախընտրական կրքերը լարված են։ Հիշեցնենք, որ մարտի 20-ին կայանալիք գյուղապետի ընտրություններում կպայքարեն 2 թեկնածու՝ գործող գյուղապետ, ՀՀԿ անդամ Արթուր Հովհաննիսյանը և ոչ մի տեղ չաշխատող, ԲՀԿ անդամ Կարեն Փարամազյանը։
Վերջինիս հետ փորձել է զրուցել «Առավոտ» օրաթերթի` Սյունիքի թղթակից Մերի Սողոմոնյանը։ Նախ, ԲՀԿ թեկնածուն հանգիստ պատասխանել էր լրագրողի հարցերին, ապա կարճ հաղորդագրություն ուղարկել նրա բջջային հեռախոսին.
«Եթե իսկականից լրագրող ես, ապա արի հանդիպենք, այլապես պրոբլեմներ կունենաս»,- ասված էր հաղորդագրության մեջ։
Թեկնածուն հետո բացատրել էր, որ շատ են զանգում՝ «այլևայլ բաներ ասում» ու մտածել է, որ հանրապետական թեկնածուի կողմից «սարքված խաղ է»։
Իհարկե, երբ լրագրողը միջադեպի մասին տեղյակ է պահել ԲՀԿ-ի` Կապանի տարածքային կառույցին, Կարեն Փարամազյանը ներողություն է խնդրել լրագողից։
«Մի քանի անգամ խաբել են, ես մտածեցի հերթականն է»,-մեղա գալով ասել է Կ. Փարամազյանը։
Իսկ գյուղի նախընտրական կրքերին «Առաջին լրատվականը» կանդրադառնա առաջիկայում։