«Հո մանկապարտեզ չի: Նախորդ անգամ ասել էին, թե ծախսերն այսքան են կազմում, որի մեջ մտնում էր ընթացիկ ծախսեր, ինվեստիցիոն բաղադրիչ: Ի՞նչ է փոխվել, որ թանկանում է էլեկտրաէներգիան: Հանրապետությունում գնաճը չի գերազանցել սահմանված թվերը: Ինչպե՞ս կարող է տնտեսությունը աշխատել ամիսը մեկ սակագին փոխելուվ»,-այսօր լրագրողների հետ զրույցում ասաց ԱԺ ՀԱԿ խմբակցության պատգամավոր Հրանտ Բագրատյանը՝ անդրադառնալով էլեկտրաէներգիայի սակագնի թանկացմանը:
«Որպես կանոն, սակագինը եպրոպայում, Ռուսաստանում փոփոխվում է 3-4 տարին մեկ, եթե չկա արտակարգ դեպք, իսկ Հայաստանում արտակարգ դեպք չի եղել, ինչպես բոլորս գիտենք»,- հավելեց Բագրատյանը:
«Առաջին լրատվական»,-ի խնդրանքով Բագրատյանը անդրադարձավ նաև Աստանայում կայացած հանդիպմանը: Նա նշեց, որ այդ անհարմարությունը ստեղծվեց այն պատճառով, որ, դժբախտաբար, Հանրապետության արտգործնախարարը տեղյակ չէր կատարվողից: «Նա պետք է Նազարբաևի ելույթից հետո վազեր ու նախագահի ականջին փսփսար, թե նա ինչ պատասխանի: «Բայց դե, իրենք չեն աշխատում, մեզ չեն հարցնում: Ոչ մի անգամ ո՛չ նախագահը, ո՛չ արտգործնախարարը չեն զանգել ու ասել՝ կարելի՞ է հանդիպենք, խոսենք»,- ասաց Բագրատյանը՝ հավելելով. «Ապօրինի ոչինչ չկա, եթե Ղարաբաղը, լինելով չճանաչված պետություն, առևտուր է անում Ռումինիայի հետ: Այդտեղ ապօրինի ոչինչ չկա, և միջազգային որևէ ակտ չի խախտվում: ԵՏՄ-ն չի խոսում այս կամ այն երկրի մեջ օրինական կամ ոչ օրինական տարածքներից: Օրինակ՝ ԵՏՄ-ում Աբխազիան հանգիստ կարող է մանդարին վաճառել, ոչ մի խնդիր չկա: Սա էր, որ Նազարբաևը որպես պատասխան պետք է ստանար»:
Մանրամասները՝ տեսանյութում:
