«Առաջին լրատվական»-ի «Ցավազրկող» հաղորդաշարի հերթական թողարկմանը ձեզ ենք ներկայացնում կանանց շրջանում լայն տարածում ունեցող հիվանդության՝ կրծքագեղձի քաղցկեղի ախտորոշման ու բուժման մեթոդները։
Ամեն տարի աշխարհում 12,7 մլն մարդու մոտ քաղցկեղ է ախտորոշվում, ավելի քան 7,6 միլիոն մարդ մահանում է այդ հիվանդությունից:
Չարորակ գոյացություններից ամենահաճախ հանդիպողը քաղցկեղն է: Կանանց շրջանում ամենահաճախ հանդիպողը կրծքագեղձի քաղցկեղն է, որին հաջորդում է արգանդի վզիկի չարորակ նորագոյացությունը: Այդպիսի չհասունացող բջիջները սկսում են տարածվել:
Տարածումը տեղի է ունենում ավշային կամ արյան ճանապարհով: Այս ընթացքում արտադրվում են մի շարք թունավոր նյութեր, որից օրգանիզմը թունավորվում է:
Ի տարբերություն չարորակ գոյացությունների, բարորակ գոյացությունների դեպքում բջջիջները հասունանում են, սակայն նրանք ևս ունեն աճելու միտում: Բարորակ գոյացությունները չեն տարածվում այլ օրգաններ, նրանք տեղային են և կարող են հասնել մեծ չափերի:
Ամբողջ աշխարհում քաղցկեղով հիվանդների թիվն աճում է անասելի չափերով: Խնդիրն այն չէ,որ այս հիվանդությունն անբուժելի է, այլ այն, որ կանանց մեծ մասն իրազեկված չէ: Քաղցկեղ հիվանդությունը տարածված է ինչպես զարգացած, այնպես էլ նոր զարգացող երկրներում:
Ինչպես փաստում է վիճակագրությունը՝ եթե 95 թվականին 100.000 կին բնակչից քաղցկեղով հիվանդները 33-ն էին, այսօր այդ թիվը կրկնապատկվել է: Իսկ հիվանդությունն էլ ունի երիտասարդացման միտում:
ՀՀ ԱՆ առողջապահության ազգային ինստիտուտի տեղեկատվական վերլուծական կենտրոնի տվյալներով` ուռուցքաբանական հիվանդություններից մահացության ցուցանիշների ամենամյա աճը հանրապետությունում կազմում է 2-3%:
Կրծքագեղձի քաղցկեղի առաջացման պատճառները բազմաթիվ են:
