Ստամբուլի իշխանությունները թույլ չեն տա ակտիվիստների խմբերին քաղաքի կենտրոնում ապօրինի բողոքի ակցիաներ կազմակերպել և ուժային մեթոդներ կկիրառեն: Այս մասին հայտարարել է Ստամբուլի քաղաքապետ Հուսեյն Ավնի Մութլուն` Գեզիի զբոսայգու իրադարձությունների տարելիցի կապակցությամբ, գրում է ITAR-TASS-ը:
«Մենք գիտենք` ինչ է տեղի ունեցել անցյալ տարվա հունիսին: Մենք ևս այդ մասին լավ հիշողություններ չունենք: Եթե հանկարծ մարդկանց նեղ շրջանակ ցանկանա սխալ բանով զբաղվել- իսկ ոչ մեծ խմբերը կարող են զբաղվել սադրանքներով- մենք դա թույլ չենք տա: Մենք համապատասխան միջոցներ կձեռնարկենք»,- ասել է նա:
Նման վտանգ գոյություն ունի, քանի որ անցյալ տարվա «Թաքսիմի զորակցություն» շարժման ակտիվիստները նախօրեին իրենց բոլոր համախոհներին կոչ են արել մայիսի 31-ին գալ Թաքսիմի հրապարակ և Գեզիի զբոսայգի` «ժողովրդավարության և քաղաքացիական ազատության համար պայքարի»:
