Ֆրանսիայում սոցիալիստները ցանկանում են վերստուգել Նիկոլյա Սարկոզիի՝ 2012-ի նախընտրական քարոզարշավի հաշիվները: Այս մասին գրում է ITAR-TASS-ը:
«Այս հարցում լիարժեք թափանցիկություն է անհրաժեշտ»,- հայտարարել է Ֆրանսիայի կառավարության պաշտոնական ներկայացուցիչ Ստեֆան Լե Ֆոլը:
Լե Ֆոլի խոսքերը հնչել են այս շաբաթ բարձրացած սկանդալի ֆոնին: Բանն այն է, որ Սարկոզիի «Միություն` հաջակցություն ազգային շարժման» կուսակցությանը կասկածում են ֆինանսական խարդախություններում 2012-ին նախկին նախագահի նախընտրական քարոզարշավի ժամանակ: Այս առումով հասարակությանը խոստովանություն է արել կուսակցության բարձրաստիճան պաշտոնյաներից Ժերոմ Լավրեն: Նրա ասելով` խոսքը մոտ 11 մլն եվրոյի մասին է: Նա, սակայն, ընդգծել է, որ Սարկոզին տեղյակ չէր այդ մասին:
