Սիրիայի կառավարական զորքերը մտել են Թուրքիայի հետ սահմանակից Ռաս Ալ-Այն քաղաք, որը երկու օր առաջ անցել էր ապստամբների ձեռքը: Այս մասին հաղորդում է Սիրիայի պետական հեռուստաալիքը:
Քաղաքի ազատագրման գործողության ընթացքում սպանվել են «տասնյակ ահաբեկիչներ»: Հեռուստաալիքի տվյալներով՝ Ռաս Ալ-Այն քաղաքի քուրդ բնակչությունը (50 հազար մարդ) թշնամաբար է ընդունել գրոհայիններին և օգնություն է խնդրել սիրիական իշխանություններից:
Ռազմական գործողությունների շարունակվում են նաև Սիրիայի հյուսիսային Հալեպ քաղաքում: Այստեղ բանակային ստորաբաժանումները գործողություններ են անցկացրել ընդդեմ գրոհայինների հրամանատարական կենտրոնների, որոնց ընթացքում սպանվել են «Ջեբհատ ալ-նուսրա» («Հաղթանակի ճակատ») խմբավորման ութ դաշտային հրամանատարներ:
