Կատալոնական «Բարսելոնա»-ի ու Բրազիլիայի ազգային հավաքականի պաշտպան Դանի Ալվեշը խոսել է Քրիշտիանու Ռոնալդուի՝ վերջերս տված հարցազրույցի մասին, որում պորտուգալացին հայտարարել էր, թե ինքը կարող է «Ոսկե գնդակ»-ի համար պայքարում պարտվել Մեսսիին զուտ իր կերպարի պատճառով: Ռոնալդուն նշել էր, որ ինքը լրիվ այլ մարդ է, քան մարդիկ են պատկերացնում:
«Ռոնալդուի ու Մեսսիի՝ «Ոսկե գնդակ»-ի համար մղվող պայքարն ավարտվելու է պորտուգալացու պարտությամբ: Քանի դեռ Մեսսին խաղում է, պայքարի մասին խոսք լինել չի կարող: Լեոն երևույթ է, և դա քննարկման ենթակա չէ: Իսկ ահա Ռոնալդուն Մեսսիին ոչ թե զիջում է իր կերպարով, այլ տաղանդով»,- ասել է Ալվեշը:
