Միջազգային նոր հետազոտության արդյունքները ցույց են տվել, որ Լոնդոնը Եվրոպայի «կոկաինային մայրաքաղաքն» է՝ գրում է The Times-ը: Կոկաինի օգտագործման մակարդակը բրիտանական այդ մեգապոլիսում ամենաբարձրն է եվրոպական այլ քաղաքների համեմատությամբ:
Թերթը նշում է, որ նույնիսկ մի ամիս չի լինում, որ որևէ հայտնի անձ չհայտնվի կասկածի տակ: Պարբերականի կարծիքով՝ հետազոտությունը թույլ է տալիս ենթադրել, որ նման օրինակները պարզապես կաթիլ են ծովում:
Ցուցակը կազմելիս փորձագետները հետազոտել են արգելված նյութերի պարունակությունը 42 եվրոպական քաղաքների ջրահեռացման համակարգում: Երկրորդ տեղում Բելգիայի Անտվերպեն քաղաքն է:
Եվրոպայի արևմտյան և որոշ հարավային քաղաքներում առավել մեծ ժողովրդականություն են վայելում կոկաինն ու էքստազին: Արևելաեվրոպական քաղաքներում առավել տարածված է բյուրեղացված մետամֆետամինը: