ՀՀ նախագահի Աշխատակազմի հասարակայնության և տեղեկատվության միջոցների հետ կապերի վարչությունից ստացված հաղորդագրությունից տեղեկանում ենք, որ Սերժ Սարգսյանը հրամանագիր է ստորագրել Երևանի ճարտարապետության և շինարարության պետական համալսարանի 90-ամյակի կապակցությամբ համալսարանի պրոռեկտորին և էկոնոմիկայի, իրավունքի և կառավարման ամբիոնի վարիչին Անանիա Շիրակացու մեդալներ շնորհելու մասին:
«Ղեկավարվելով Հայաստանի Հանրապետության Սահմանադրության 55-րդ հոդվածի 16-րդ կետով և հիմք ընդունելով «Հայաստանի Հանրապետության պետական պարգևների մասինե Հայաստանի Հանրապետության օրենքը` որոշում եմ.
Երևանի ճարտարապետության և շինարարության պետական համալսարանի 90-ամյակի կապակցությամբ, գիտության և կրթության բնագավառներում ներդրած նշանակալի ավանդի համար Անանիա Շիրակացու մեդալով պարգևատրել`
Արեստակ Արամայիսի Սարուխանյանին ԵՃՇՊՀ պրոռեկտոր, կրթական բարեփոխումների վարչության պետ, տեխնիկական գիտությունների դոկտոր, դոցենտ
Սարգիս Շավարշի Ստեփանյանին ԵՃՇՊՀ էկոնոմիկայի, իրավունքի և կառավարման ամբիոնի վարիչ, տեխնիկական գիտությունների թեկնածու, դոցենտ»,-ասված է հրամանագրում:
