Եգիպտոսում այսօր մեկնարկում են նախագահական ընտրությունները: Քվեարկությունը կանցկացվի երկու օրերի ընթացքում՝ հայտնում է ITAR-TASS-ը:
Եգիպտոսում , որն ունի մոտ 80 մլն բնակչություն, ընտրելու իրավունք ունի շուրջ 54 մլն քաղաքացի: Ընտրատեղամասերի են վերածվել ողջ երկրում 13 հազար 899 դպրոցներ: Ընտրությունների ընթացքին կհետևեն 16 հազար դատավորներ:
Պետության ղեկավարի պաշտոնի համար պայքարում են երկու թեկնածուներ՝ պաշտպանության նախկին նախարար Աբդել Ֆաթահ Ալ-Սիսին և սոցիալիստ Համդին Սաբահին: Հասարակական կարծիքի հարցումներն ու մայիսի 15-19-ին արտերկրում անցկացված քվեարկության արդյունքները վկայում են Ալ-Սիսիի ճնշող դիրքերի մասին: Արտերկրում անցկացված քվեարկության արդյունքներով՝ Ալ-Սիսիին աջակցել է ընտրողների 94.5 տոկոսը: Մասնակցությունը գերազանցել է 50 տոկոսը:
Ընտրությունների արդյունքները հայտնի կդառնան հունիսի 5-ից ոչ ուշ:
