Հրշեջները շարունակում են պայքարել Շոտլանդիայի ամենակարևոր շենքերի մեկում՝ Գլազգոյի արվեստների դպրոցում հրդեհի դեմ, սակայն, շենքը գրեթե ամբողջությամբ այրվել է:
Ըստ ականատեսների հաղորդագրությունների՝ բռնկումը տեղի է ունեցել այն բանից հետո, երբ շինության նկուղում սարքավորման պայթյուն է տեղի ունեցել: Հաղորդվում է, որ դպրոցի ուսանողներն ու աշխատակիցները բարեհաջող տարհանվել են:
Գլազգոյի արվեստների դպրոցը կառուցվել է տաղանդավոր շոտլանդացի ճարտարապետ ու նկարիչ Չարլզ Ռենն Մակինթոշի կողմից:
Բրիտանացի ճարտարապետների թագավորական ինստիտուտի նախագահ Սթիվեն Հոդդերը հրդեհն անվանել է համաշխարհային ողբերգություն:
Չորս տարի առաջ դպրոցը ճանաչվել էր 175 տարվա ընթացքում Մեծ Բրիտանիայում կառուցված լավագույն շինություն: