Ամերիկայի Հայ ազգային կոմիտեի կամ Հայ դատի հանձնախմբի Արևմտյան տարածաշրջանի աջակցությունը վայելող Ադրին Նազարյանը 46-րդ ընտրատարածքում հաղթել է Կալիֆոռնիա նահանգի օրենսդիր ժողովի ընտրություններում՝ դառնալով նահանգի օրենսդիր մարմնում նոր ամերիկահայ:
Հայ դատի հանձնախմբի Արևմտյան տարածաշրջանի աջակցությունը վայելող Գրեգ Գրիգորյանը, որը ներկայացնում էր 43-րդ ընտրատարածքը, չի կարողացել հաղթանակի հասնել:
Կալիֆոռնիայի պետքարտուղարության կայքում զետեղված արդյունքների համաձայն՝ Նազարյանը ստացել է ընտրողների 70,6 տոկոսի (67,464) աջակցությունը, մինչդեռ իր հանրապետական մրցակից Ջեյ Ստերնի օգտին է քվեարկել ընտրողների 29,4 տոկոսը (28,054): 43-րդ ընտրատարածքում դեմոկրատ Մայքլ Գետոն ստացել է ձայների 60,5 տոկոսը (72,797), իսկ Գրիգորյանը` 39,5տոկոսը (47,615): Այս մասին հայտնում է Asbarez-ը:
Կալիֆոռնիայի օրենսդիր ժողովում հաղթել է նաև ամերիկահայ Խաչո Աչաջյանը՝ 35-րդ ընտրատարածքից: Նա ստացել է ընտրողների ձայների 61,4 տոկոսը (80,596):