Երկօրյա աշխատանքային այցով այսօր Ուկրաինա է մեկնել ՀՀ տնտեսական մրցակցության պաշտպանության պետական հանձնաժողովի նախագահ Արտակ Շաբոյանը՝ մասնակցելու նոյեմբերի 7-ից 8-ը Կիևում անցկացվող ԱՊՀ հակամենաշնորհային քաղաքականության միջպետական խորհրդի 37-րդ նիստին:
ԱՊՀ անդամ երկրների մրցակցային մարմինների ղեկավարների մակարդակով անցկացվող նիստում նախատեսվում է քննարկել առանձին երկրներում մրցակցության պաշտպանությանն ուղղված աշխատանքների ընթացքը, ինչպես նաև նախորդ նիստին հաջորդած ժամանակահատվածում ԱՊՀ անդամ երկրներում հակամենաշնորհային քաղաքականության ոլորտում տեղի ունեցած առավել կարևոր իրադարձությունները:
Նիստի ընթացքում ելույթով հանդես կգա ԱՊՀ հակամենաշնորհային քաղաքականության միջպետական խորհրդի անդամ, ՀՀ ՏՄՊՊՀ նախագահ Ա. Շաբոյանը՝ մրցակցության կարգավորման ոլորտում կատարված աշխատանքների, իրականացվող վարույթների ընթացքի և այլ առանցքային հարցերի վերաբերյալ:
Խորհրդի ներքո գործող շտաբի աշխատանքներին կմասնակցի նաև ՀՀ ՏՄՊՊՀ աշխատակազմի ղեկավար Տիգրան Խեչոյանը
