Չինաստանը մինչև 2049թ. կդառնա հարուստ, ժողովրդավար և հզոր սոցիալիստական պետություն: Այս մասին Պեկինում Չինաստանի Կոմկուսի 18-րդ համագումարի բացմանը հայտարարել է նրա գլխավոր քարտուղար, Չինաստանի փոխղեկավար Հու Ձինտաոն:
«Մենք կկարողանանք Չինաստանի Կոմունիստական
կուսակցության 100-ամյակին կառուցել միջին խավի հասարակություն, իսկ ՉԺՀ-ի 100-ամյակին Չինաստանը դարձնել հարուստ, հզոր ու ներդաշնակ, արդիականացված սոցիալիստական պետություն»,- ասել է Ձինտաոն, որի խոսքերը մեջբերում է RIA Novosti-ն:
Չինաստանի կոմկուսը, որի անդամների թիվը գերազանցում է 82 մլն-ը, հիմնադրվել է 1921թ.: 1949թ. հայտարարվել է Չինաստանի Ժողովրդական Հանրապետության ստեղծման մասին:
Կուսակցության գլխավոր քարտուղարի խոսքով՝ ներկայում ՉԺՀ-ն մնում է «աշխարհի ամենամեծ զարգացած երկիրը», որը դեռ երկար կմնա սոցիալիզմի սկզբնական փուլում:
Ձինտաոն ընդգծել է, որ երկրի ղեկավարությունը կշարունակի սոցիալիզմի կառուցումը չինական յուրահատկությամբ, ինչը հեշտ խնդիր չէ:
Այսօր Պեկինում բացվել է կոմկուսի 18-րդ համագումարը, որը կշարունակվի մինչև նոյեմբերի 14-ը: Համագումարին մասնակցում է 2300 պատվիրակ, որոնք ներկայացնում են կուսակցության ավելի քան 82 մլն անդամների:
Համագումարի արդյունքով կընտրվի երկրի նոր կուսակցական ղեկավարությունը:
