Եգիպտոսի նախագահի թեկնածու, պաշտպանության նախկին նախարար Աբդել Ֆաթահ աս-Սիսին արտասահմանում տեղի ունեցած ընտրություններում ստացել է 296 հազար ձայն: Նրա միակ մրցակցի` Համդին Սաբբահի օգտին 17 հազար մարդ է քվեարկել: Այս մասին գրում է RIA Novosti-ն:
Արտասահմանում նախագահական ընտրությունների քվեարկության արդյունքի վերաբերյալ պաշտոնական տվյալները չորեքշաբթի օրը հրապարակել է Եգիպտոսի բարձրագույն ընտրական հանձնաժողովի գլխավոր քարտուղար Աբդել Ազիզ Սալմանը:
Աս-Սիսիի օգտին ամենից շատը քվեարկել են Պարսից ծոցի երկրներում բնակվող եգիպտացիները:
Հիշեցնենք, որ քվեարկությունը սկսվել է հինգշաբթի օրը և տեղի ունեցել 4 օրվա ընթացքում: