Սոցցանցերում օգտատերերը գնալով ավելի հաճախ են Ղրիմի մթերային խանութների դատարկ ցուցափեղկերի լուսանկարներ տեղադրում, հայտնում է glavcom.ua-ն:
Այսպես, օգտատերեր Իգոր Կոլեսնիկը լուսանկարներ է հրապարակել Սևաստոպոլի Novus խանութից:
«Միս, հավի միս, ձու, մանկական մթերքներ, սառեցված մթերքներ (կիսաֆաբրիկատներ), սառը մթերք. այս ամենը հիմա անվանվում է «դեֆիցիտ» հնաբանությամբ: Փոխարենը՝ մի ամբողջ ցուցափեղկ հատկացված է նույն արտադրության զուգարանի թղթի համար: Օբուխովը «կառավարում է»:
Տեղի բնակիչները հասկանում են, որ դեֆիցիտն արհեստականորեն է ստեղծվել ցամաքային Ուկրաինայի հետ «սահմանին»: Նպատակը պարզ է՝ ռուսական արտադրության ավելի թանկարժեք մթերքների մուտք: Իսկ ամեն ինչ կմատուցվի «վատ Ուկրաինան մեզ ապրանքներ չի բերում, ստիպված ենք բերել թանկարժեք ռուսականները ճիչերի նեքո»,- գրված է որպես մեկնաբանություն լուսանկարին:
Նույնպիսի իրավիճակ է նաև Կերչի խանութներում, ինչի մասին վկայում է «Ղրիմ. Ռեալի» պարբերականի՝ Twitter-ի իր էջում հրապարակած լուսանկարը:
