ՆԱՏՕ-ն կարծում է, որ իրավիճակն Ուկրաինայի արևելքում սպառնում է այդ տարածաշրջանում պատշաճ պայմաններում նախագահական ընտրությունների անցկացմանը՝ հայտարարել է ՆԱՏՕ-ի գլխավոր քարտուղար Անդերս Ֆոգ Ռասմուսենը: Այս մասին փոխանցում է RIA Novosti-ն:
«Արևելքում կայունության բացակայությունն անհանգստության պատճառ է: Կա ակնհայտ ռիսկ, որ անկայունությունն արևելյան տարածաշրջաններում կարող է դժվարացնել պատշաճ կերպով ընտրությունների անցկացմանը երկրի այդ հատվածում»,- ասել է Ռասմուսենը՝ պատասխանելով հարցին՝ խանգարո՞ւմ է Ուկրաինայի արևելքի ուժային օպերացիան ընտրությունների անցկացմանը:
Նա իշխանություններին զսպվածության կոչ չի արել, սակայն պահանջել է զինված անջատողականներից դադարեցնել անօրինական գործողություններն ու թույլ տալ ընտրություններ անցկացնել:
