Նյու Յորքի քաղաքապետ Մայքլ Բլումբերգը հրահանգել է փակել բոլոր քաղաքային այգիները և լողափերը՝ կապված նոր փոթորկի մոտենալու հետ: Անցած շաբաթ քաղաքն արդեն լուրջ տուժել էր «Սենդի» փոթորկի հետևանքով:
Ըստ քաղաքագլխի խոսքերի՝ այս միջոցը ուժի մեջ կմտնի նոյեմբերի 7-ին տեղական ժամանակով 12:00-ին և նվազագույնը կգործի մեկ օր՝ հաղորդում է ИТАР-ТАСС-ը:
«Մենք չենք ցանկանում, որպեսզի արտակարգ արձագանքման ծառայության աշխատակիցները ստիպված օվկիանոսից հանեն նրանց, ովքեր հայտնվել են այնտեղ սեփական հիմարության պատճառով»,- հայտարարել է Բլումբերգը:
Նա նաև հաղորդել է, որ իշխանությունները մտադիր են չորեքշաբթի մասնակի տարհանում իրականացնել: Սակայն, ըստ քաղաքապետի խոսքերի, այն այդքան ուժեղ չի լինելու, որքան «Սենդին»:
