Երգիչ Ջասթին Թիմբերլեյքը երեկ ստացել է Billboard Music Awards-ի 7 մրցանակ: Երաժշտական հեղինակավոր մրցանակների հանձնման արարողությունը կայացել է Լաս Վեգասում:
Թիմբերլեյքը հաղթել է, այդ թվում նաև «Տարվա լավագույն արտիստ» գլխավոր անվանակարգում:
Imagine Dragons խումբը ստացել է 5 մրցանակ, որոնց թվում՝ «Լավագույն ռոք-դուետ կամ խումբ» անվանակարգում:
Երգչուհի Լորդը ճանաչվել է «Տարվա բացահայտում», իսկ նրա Royals երգը հաղթել է «Լավագույն ռոք կոմպոզիցիա» անվանակարգում:
Մյուս հաղթողների թվում են քանթրի երաժիշտ Լյուկ Բրայանը, ռեփեր Էմինեմն ու Մարկ Էնթոնին:
Billboard Music Awards-ը շնորհվում է ամեն տարի: Այն Grammy-ի ու American Music Awards-ի հետ համարվում է ամենահեղինակավոր երաժշտական մրցանակներից մեկը ԱՄՆ-ում:
