ԱՄՆ-ի փոխնախագահի թեկնածու, դեմոկրատ Ջոզեֆ Բայդենը քվեարկել է Գրինվիլի (Դելավեր նահանգ) ընտրատեղամասում, հաղորդում է RIA Novosti-ն:
Բայդենն իր ընտանիքի անդամների հետ ընտրատեղամաս է ժամանել անմիջապես բացվելուց հետո, սակայն ստիպված է եղել մոտ 11 րոպե հերթ կանգնել քվեարկելու համար: Քվեարկելուց հետո նա դիմել է հավաքված լրագրողներին` ասելով. «Հուսով եմ` դուք արդեն քվեարկել եք»:
Բայդենը նաև նշել է, որ շատ վստահ է իրեն զգում և հավելել է. «Ես չեմ կարծում, որ իմ օգտին քվեարկում եմ վերջին անգամ»:
Փոխնախագահը սպասել է մինչև քվեարկեն իր ընտանիքի անդամները, որից հետո նրանք միասին հեռացել են ընտրատեղամասից:
