Լիբանանի նախագահ Միշել Սուլեյմանը իր երկրում տեղակայված շիա «Հըզբոլլահ» շարժմանը կոչ է արել զորքերը դուրս բերել Սիրիայից: Այս մասին հաղորդում է AP-ն:
Սուլեյմանը այդ հայտարարությամբ հանդես է եկել դրուզ և քրիստոնեական համայնքերի հաշտեցման հավաքի ժամանակ՝ Բրիխ գյուղում, որտեղ քաղաքացիական պատերազմի ժամանակ միջկրոնական բազմաթիվ բախումները երկկողմ զոհերի պատճառ են դարձել:
«Ես կոչ եմ անում վերադառնալ Լիբանան և հեռանալ հարևան երկրի հակամարտությունից՝ խուսափելու համար Լիբանանին սպառնացող հետևանքներից»,- հայտարարել է Սուլեյմանը:
«Հըզբոլլահ» շարժման ղեկավար շեյխ Հասան Նասրալը ավելի վաղ հայտարարել է, որ մտադիր չէ գրոհայիններին դուրս բերել Սիրիայից, քանի դեռ նախագահ Բաշար Ասադը չի հաղթել գրոհայիններին:
