Грузия Online-ի փոխանցմամբ՝ Կսանիի թիվ 15 բանտի պետ Նուկրի Խուխուան որոշել է լքել իր պաշտոնը: Նա արդեն հրաժարականի դիմում է գրել, և եթե դա բավարարվի, ապա պատրաստ է հրաժեշտ տալ իր զբաղեցրած պաշտոնին:
Նշվում է, որ Խուխուայի հրաժարականն էին պահանջում Կսանիի բանտի 2000 բանտարկյալներ, որոնք դրան հասնելու համար հացադուլ էին կազմակերպել: Նրանցից ոմանք անգամ կարել էին իրենց բերանները:
Եթե Խուխուան լքի իր պաշտոնը, ապա նա կլինի երկրորդ բանտապետը, որին Վրաստանի նոր իշխանությունները ստիպված են բանտարկյալների պահանջով անմիջապես հեռացնել աշխատանքից: Ավելի վաղ այդպիսի ճակատագրի էր արժանացել Ռուսթավիի թիվ 6 բանտի պետը:
