The Official Charts Company ընկերությունը, որը զբաղվում է Մեծ Բրիտանիայում երաժշտության վաճառքի հետ կապված տեղեկատվության հավաքմամբ և կազմում է պաշտոնական հիթ-շքերթները, հրապարակել է մի ցանկ, որում ընդգրկված են մեկ միլիոնից ավել վաճառք գրանցած 123 երգեր։
Բրիտանական երաժշտական արդյունաբերության «ամենահաջողակ» երգը համարվում է Էլթոն Ջոնի Сandle In The Wind 97 / Something About the Way You Look Tonight–ը, որը նվիրված է 1997 թ. մահացած արքայադուստր Դիանայի հիշատակին: Այն վաճառվել է 4,9 մլն օրինակով:
Ցուցակում հաջորդը Band Aid խմբի բարեգործական Do They Know It’s Christmas? Երգն է, որից ստացված եկամուտը հատկացվել է Եթովպիայում աղքատության դեմ պայքարին: Հաջողվել է վաճառել այս երգի 3,69 մլն օրինակ:
Առաջատարների եռյակը եզրափակում է Queen խմբի Bohemian Rhapsody կատարումը (վաճառվել է 2,36 մլն օրինակ), ապա հաջորդում է Փոլ Մաքարթնիի Wings խումբը Mull Of Kintyre / Girls’ School երգը։
Ցուցակում ամենաշատը (վեց երգ) The Beatles-ի երգերն են:
