Բրազիլիայի Սան Պաուլո նահանգում տեղի ունեցած երկաթուղային վթարի հետևանքով զոհվել է 3, վիրավորվել 40 մարդ, հիմնականում զբոսաշրջիկներ:
Ինչպես հաղորդում է ITAR-TASS-ը, ուղևորները ճանապարհվում էին հայտնի լեռնային զբոսաշրջային Կամպուս դե Ժորդան հանգստավայր: Գնացքը երկաթգծից դուրս է եկել լեռնային ոլորանները շրջանցելիս: Ճանապարհը կառուցվել է մոտ 100 տարի առաջ հեռավոր պլանտացիաներից սուրճ տեղափոխելու համար և ներկայում մեծ համբավ է վայելում զբոսաշրջիկների շրջանում, որոնք կարող են ընթացքի ժամանակ հիանալ Սերրա դի Մանտիկեյր լեռնազանգվածով: Կամպուս դի Ժորդան Սան Պաուլոյի ամենահայտնի զբոսաշրջային վայրերից է, որը գտնվում է մեգապոլիսից 160 կմ հեռավորության վրա:
Ոստիկանները հաղորդում են, որ ողբերգության հնարավոր պատճառ կարող էր լինել սողանքը, որը վնասել է երկաթուղային ճանապարհը:
