Պնդելով ՄԱԿ-ի Անվտանգության խորհրդում Սիրիայի հարցով բանաձևի ընդունումը, Արևմուտքը փորձում է սրել իրադրությունը և ստեղծել պայմաններ այդ երկրում ռեժիմը փոխելու համար,- կարծում է ՌԴ ԱԳ նախարար Սերգեյ Լավրովը: Այս մասին հայտնում է Interfax-ը:
«Բանաձևը, որի մասին խոսում են մեր արևմտյան գործընկերները, և որի մասին խոսում են մեր մի քանի ուրիշ գործընկերներ, ստեղծված է հատուկ մեկ նպատակով՝ սրել իրադրությունը և ստեղծել պայմաններ ռեժիմը փոխելու համար»,- ասել է նա Կահիրում Արաբական պետությունների լիգայի ղեկավար Նաբիլ Ալ-Արաբիի և Սիրիայի հարցով ՄԱԿ-ի և ԱՊԼ-ի հատուկ բանագնաց Լախդար Բրահիմիի հետ հանդիպման արդյունքներով մամլո ասուլիսի ժամանակ:
Այդպես է նա պատասխանել լրագրողի հարցին այն մասին՝ պատրա՞ստ է Ռուսաստանը ՄԱԿ-ի ԱԽ-ում ընդունել Սիրիայում կրակի դադարեցման պահանջով բանաձևը:
