Սոցցանցերում օնլայն խաղերը կդառնան ավելի ձգող: Plarium ընկերությունն առաջադեմ խաղացողների համար նոր խաղ է թողարկել, հայտնում է Life News Online-ը:
Facebook-ում Stormfall: Age of War-ի թողարկումը նորույթ է օնլայն խաղերի ոլորտում: Երեխաների և տնային տնտեսուհիների համար նախատեսված պատահական խաղերը փոխարինվում են լիարժեք հավելվածներով, որոնք ունակ են մրցակցել «ավանդական» համակարգչային խաղերի հետ: Այսպես է կարծում Facebook-ի խաղերի մշակման բաժնի ղեկավար Շոն Ռայանը:
Փորձագետի կարծիքով` 2013-ին սոցցանցերում խաղերը կդառնան ավելի բարդ և գունագեղ: Մասնավորապես, արդեն հիմա օնլայն խաղերի հեղինակները լայնորեն օգտագործում են 3D գրաֆիկայի հնարավորությունները:
Նրա հետ համամիտ է «Պրոսպեկտ» ընկերության մշակման բաժնի ղեկավար Էռնստ Խաչատուրյանը: Փորձագետն ուշադրություն է դարձրել նրան, որ մշակողները խաղը ստեղծում են այնպես, որպեսզի պետք լինի խաղ մտնել մի քանի անգամ: Նույնիսկ հիշեցումներ են ուղարկում email-ի կամ SMS-ի միջոցով:
Խաղերի հեղինակների բոլոր ջանքերն ուղղված են օգտվողներին համակարգչի դիմաց հնարավորինս շատ պահելուն:
