Չնայած ռազմական արդյունաբերության ոլորտում բյուջետային կրճատումներին` ՆԱՏՕ-ի անդամ երկրներն առաջնային ուշադրություն են հատկացնում իրենց ռազմաօդային ուժերի զարգացմանը: Այս մասին հայտնել է ՌԴ ռազմաօդային ուժերի գլխավոր հրամանատար, գեներալ-լեյտենանտ Վիկտոր Բոնդարևը, որը ղեկավարում է աշխարհի առաջատար երկրների ռազմաօդային ուժերի ղեկավարների համաժողովին (նոյեմբերի 1-2) մասնակցելու նպատակով Մեծ Բրիտանիա մեկնած Ռուսաստանի պատվիրակությունը:
«Բյուջեն, որ ՆԱՏՕ-ի անդամ երկրներն ունեին մինչ այս և ունեն հիմա, փորձում են ազնվորեն բաշխել, որպեսզի ոչ ոք դժգոհ չմնա, սակայն առաջնայնությունը տրվում է ռազմաօդային ուժերին: Նախատեսվում է զարգացնել սկզբում ռազմաօդային ուժերը, հետո` նավատորմը, ապա` ցամաքային ուժերը»,- ասել է Բոնդարևը:
«Ամեն ինչ ուղղված է առաջ գնալուն: Կարևոր է ոչ մի դեպքում, նույնիսկ փոքր բյուջեի դեպքում կանգ չառնել, այլ բյուջեի առյուծի բաժինը հատկացնել ռազմաօդային ուժերին, որովհետև այնտեղ առաջադեմ տեխնոլոգիաներ են, ենթակառուցվածքներ, տնտեսություն: Այդ պատճառով նրանք այս ոլորտի համար գումարներ չեն խնայում»,- ասել է Բոնդարևը:
Նա նշել է, որ նրանց մեկ այլ խնդիր են անօդաչուները, անօդաչու ավիացիայի բոլոր տեսակների` ուղղաթիռների, ինքնաթիռների զարգացումը:
