Պարոնայք տղամարդիկ, եթե կանայք համարում են, որ ուժեղ սեռի հանդեպ հատուկ ուշադրություն ցուցաբերվում է, ասենք, փետրվարի 23-ին, պետք է հիշեք, որ այլ կարևոր օր ևս կա: Միխայիլ Գորբաչովի նախաձեռնությամբ նշվում է Տղամարդկանց համաշխարհային օրը (World Men’s Day): Տղամարդկանց օրն ավանդաբար նշվում է նոյեմբերի առաջին շաբաթ օրը:
Այդ օրը տղամարդիկ հատկապես ակնկալում են կանանց ուշադրությունը` որպես նվեր: Տղամարդիկ երջանիկ են, եթե կանայք անկեղծ ուրախությամբ պատրաստ են այն հատկացնել:
Հետաքրքիր է, որ գոյություն ունի նաև Տղամարդկանց միջազգային օր (International Men’s Day), որը նշվում է նոյեմբերի 19-ին: Այս տոնն առաջին անգամ նշվել է 1999-ի նոյեմբերի 19-ին` Տրինիդադ և Տոբագոյում, դրանից հետո այն նշում են նաև ԱՄՆ-ում, Մեծ Բրիտանիայում, Ավստրալիայում, Հնդկաստանում, Սինգապուրում, Մալթայում և Հարավային Աֆրիկայում:
