Շվեդիայի մայրաքաղաքում հայտարարվել են Polar Music Prize երաժշտական փառատոնի հաղթողների անունները: Նրանք են՝ թատրոնի և օպերայի ռեժիսոր Փիթեր Սելլարսը և հանրահայտ երգիչ, կիթառահար և կոպմոզիտոր Չակ Բերին: Այս մասին հայտնում է ITAR-TASS-ը:
Ժյուրիի կարծիքով՝ իր բեմադրություններում Սելլարսը ցույց է տվել, որ դասական «երաժշտությունը ոչ միայն նոտաների փոշոտ թերթեր և մետրոնոմների ճշգրտություն է, այլև աշխարհի արտացոլման և նկարագրության միջոց»:
Ժյուրին նշել է, որ Չակ Բերին ռոք-ն-ռոլի ռահվիրան է, ով կիթառը վերածել է ռոքի հիմնական գործիքներից մեկի: «Rolling Stones-ը, Beatles-ը, միլիոնավոր ուրիշ խմբեր սովորել են Չակ Բերիի երգերի հիման վրա»,- ասվում է հաղորդագրության մեջ:
Չակ Բերին ծնվել է 1926 թվականին: Նրա առաջին համերգը տեղի է ունեցել 1941 թվականին: 1959-ին նա ձայնագրել է իր առաջին Maybellene սինգլը, որը վաճառվել է ավելի քան 1 մլն օրինակով:
Մրցանակաբաշխությունը հիմնել է ABBA խմբի մենեջեր Սթիգ Անդերսոնը: Հաղթողների մրցանակները կհանձնի Շվեդիայի թագավոր Կառլ XVI Գուստավը Ստոկհոլմի ֆիլհարմոնիկում: Ամեն հաղթողը կստանա 154.000 դոլար:
