Ճապոնիայի Կիոտո քաղաքում ATR ընկերության գիտնականները մտքի ուժի միջոցով առարկաների ղեկավարման սարք են ստեղծել, հայտնում են Ճապոնիայի ԶԼՄ-ները:
Սարքը հաղորդալարերով և սենսորներով գլխարկի նման է, այն հաշվում է արյունատար համակարգի և գլխուղեղի ազդակների ամենափոքր տատանումները:
Network Brain Machine Interface անվանումը ստացած փորձի ժամանակ բավական է եղել` մարդը պատկերացնի շարժումներ, որոնք նա անում է աջ կամ ձախ ձեռքով, որպեսզի միտքը բերի իրական գործողությունների:
Փորձի ժամանակ միայն մտքի ուժով մարդը կարող էր ստիպել հաշմանդամի սայլակին գնալ անհրաժեշտ ուղղությամբ, բացել վարագույրը, միացնել և անջատել հեռուստացույցը և սենյակի լույսը:
Գլխուղեղի ազդակների մասին տեղեկությունը հասնում է սարքին, այնտեղից` տվյալների բազա, որտեղից այն վերլուծվում է և հրաման է արձակվում այս կամ այն առարկային, որի վրա ևս հաշվող սարք է տեղադրված:
Ներկայումս միտքը գործողության վերածելու համար ծախսվում է 6-12 վայրկյան, սակայն հեղինակները հույս ունեն 3 տարի անց արագությունը հասցնել մինչև մեկ վայրկյանի: Հրամանի կատարման ճշգրտությունը 70-80% է:
Ընկերության ծրագրով` մինչև 2020-ը կարող է սկսվել այս սարքի արտադրությունը:
Սարքը պետք է հեշտացնի սահմանափակ շարժական հնարավորություններով, միայնակ և տարեց մարդկանց կյանքը:
