Ֆրանսիայի նախագահ Ֆրանսուա Օլանդը, ով վերջերս խիստ քննադատության է արժանանում, ասել է, որ իր աշխատանքը շատ դժվար է։ Այս մասին հայտնում է ֆրանսիական «Մոնդ» թերթը:
«Մեր օրերում պաշտոն զբաղեցնելը շատ դժվար է։ Այստեղ տեղ չունեն ո՛չ կարեկցանքը, ո՛չ հարգանքը: Ես դա ինքս եմ զգացել»,– հայտարարել է նախագահը։
Օլանդի վարկանիշը նոյեմբերին ավելի է ընկել: Նախագահին վստահություն է հայտնել ֆրանսիացիների միայն 36 %-ը: Նրա հետ են կապում գործազրկության մակարդակի բարձրացումը, զանգվածային հեռացումները, աշխատատեղերի կրճատումը, տնտեսության անկանոն վիճակը:
Օլանդն օրինակ է բերել Սարկոզիին` ասելով, որ նրան 3 տարի պահանջվեց հարկային դաշտում կարգավորումներ անելու համար:
Նախագահն իր համար 2 տարի ժամկետ է սահմանել, որի ընթացքում մտադիր է կայունացնել տնտեսությունը և փոքրացնել գործազրկության մակարդակը, որը ներկայումս ավելի քան 10 % է:
