Հարավային Կովկասում հակամարտությունները պետք է կարգավորվեն պետությունների տարածքային ամբողջականության շրջանակներում. այս մասին երեքշաբթի օրն ասել է Թուրքիայի նախագահ Աբդուլահ Գյուլը Թբիլիսում տեղի ունեցած գագաթնաժողովի արդյունքներ ամփոփող մամլո ասուլիսի ժամանակ, հաղորդում է Trend-ը:
Թուրքիայի նախագահը նաև նշել է, որ եռակողմ հանդիպման ժամանակ, տարածաշրջանային հարցերի հետ մեկտեղ, քննարկվել են նաև գլոբալ հիմնահարցեր:
«Մենք ևս մեկ անգամ հաստատել ենք, որ աջակցում ենք Վրաստանի և Ադրբեջանի տարածքային ամբողջականությանը, և նշել ենք տարածաշրջանային հակամարտությունների կարգավորման անհրաժեշտությունը տարածքային ամբողջականության և խաղաղության շրջանակներում»,- ասել է Գյուլը:
Թուրքիայի նախագահը նշել է, որ հանդիպման ժամանակ քննարկվել է նաև Ուկրաինայի ճգնաժամը:
