Վերջերս հայտնի է դարձել, որ աշխարհի ամենահարուստ մարդկանցից մեկը՝ միլիարդատեր Դոնալդ Տրամփը, կարող է մասնակցել 2012 թ. ԱՄՆ նախագահական ընտրություններին: Սակայն այս տեղեկությունը դեռ պաշտոնապես չի հաստատվել: Ըստ միլիարդատիրոջ Trump Organization մամուլի ծառայության՝ ընկերության գործադիր փոխնախագահ Մայքլ Քոհենը մեկնել է Այովա քաղաք, որտեղ պետք է տեղի ունենան հանրապետական կուսակցության նախնական ընտրությունները:
Տեղեկացնենք, որ ԱՄՆ-ում նախագահական ընտրություններից առաջ երկու հիմնական կուսակցությունները ԱՄՆ նահանգներում անցկացնում են նախնական ընտրություններ, որի արդյունքում ընտրվում է այն թեկնածուն, որը կուսակցությունը կներկայացնի առաջիկա նախագահական ընտրություններում:
Քոհենը հայտնել է, որ հանդիպումներ է ունեցել հանրապետական կուսակցության նահանգային ղեկավարության հետ: Նա կարծիք է հայտնել, որ Տրամպը այդ նահանգում կազմակերպվելիք մամուլի ասուլիսի ժամանակ պաշտոնապես կհայտարարի առաջադրվելու մասին:
Ըստ որոշ հետազոտությունների և սոցհարցումների` Տրամպն առաջ է անցել հանրապետական երկու հիմնական թեկնածուներից` Մասաչուսեթսի նախկին նահանգապետ Միթ Ռոմնիից և Մինեսոտայի նահանգապետ Թիմ Պոլնեթիից:
