Ֆաստ-ֆուդը վտանգավոր է ասթմայի դեպքում

Ավստրալական զանգվածային ուսումնասիրությունը ցույց է տվել, որ ճարպերով ու շաքարով հարուստ ճաշատեսակներն անարդյունավետ են դարձնում աերոզոլները, որոնք օգտագործում են ասթմատիկները։ Գիտնականները մտցրել են Բորբոքման դիետիկ ինդեքս հասկացությունը և կազմել այն մթերքների ցանկը, որոնք վտանգավոր են ասթմայով հիվանդների համար, տեղեկացնում է kedem.ru–ն։

Ֆաստ-ֆուդից բացի՝ դրա մեջ մտել են քաղցր գազավորված խմիչքները, պինդ պանիրը, արդյունաբերական արտադրության թխվածքները, կարտոֆիլը, մածուկը, սպիտակ բրինձը, հացը, անգամ փաթեթավորված մրգահյութը։ Այդ մթերքները խորացնում են ասթմայով տառապողների վիճակը, ավելին՝ իջեցնում են դեղորայքի արդյունավետությունը։

Այդ մթերքների վտանգավոր ազդեցությունը կարելի է չեզոքացնել չհագեցած ճարպերի օգնությամբ, որոնք պարունակվում են ձկան մեջ, ընկուզեղենում և բուսական յուղերում։