Տնտեսման ծրագրի շրջանակներում Իտալիայի կառավարությունը հաստատել է նահանգների կրճատման առաջարկը: Ծախսերի կրճատման նպատակով տեղական ինքնակառավարվող 86 մարմիններից մնալու են ընդամենը 51-ը, հաղորդում է Reuters-ը:
Ընդունված օրենքի մեկնաբանության մեջ նշվում է, որ աշխատակիցների և ծառայությունների համակարգը կրճատված է, քանի որ անարդյունավետ է և չի արդարացնում ծախսերը, որոնք տրամադրվում են պետական բյուջեից:
Օրենքը ուժի մեջ է մտնելու 2013 թ.:
Նաև կառավարությունը չի հստակեցրել, ինչ ծավալի խնայողության մասին է խոսքը, նշելով, որ մինչ վերակազմավորման գործընթացի ավարտը վաղ է դրա մասին խոսելը: Որպես օրինակ է բերվում, որ Մոնցա և Բրիանցա նահանգները կրկին միանալու են Միլան նահանգին, որի վարչակազմի պարտականությունների մեջ է մտնելու տրանսպորտային միջոցների ապահովման և կրթական համակարգի նկատմամբ վերահսկողությունը:
