Այն բանից հետո, երբ մի քանի ամիս առաջ իրաքյան սունիները զանգվածայնորեն սկսեցին ժամանել Սիրիա`Բաշար Ասադի դեմ սիրիական ընդդիմությանը սատարելու, հերթը հասավ իրաքյան շիաներին, ովքեր Սիրիա են ժամանում սիրիական իշխանությանը սատարելու համար: Այս մասին հաղորդում է արաբական Վաթան հրատարակությունը: Իրաքի շիաները սկզբում գնում են Իրան, այնտեղից իրանյան կառավարությունը, որը Ասադի գլխավոր դաշնակիցն է, ուղարկում է Սիրիա`Դամասկոս: Կա ևս մեկ այլ տարբերակ. ուխտագնացության պատրվակը: Իրաքցիներին զենք են տրամադրում, տարվում են նախապատրաստական աշխատանքներ և տրվում են ցուցումներ:
25-ամյա Ահմեդ ալ-Հասանին, ով Իրաքից է եկել, պատմում է. «Մեզ են միանում տասնյակ իրաքցիներ, օրեցօր նրանց թիվն ավելանում է: Ես Սիրիա եմ ժամանել երկու ամիս առաջ`Թեհրանից»:
Իրաքը, ով ևս տառապում է միջկրոնական հակամարտություններով, ավելի ու ավելի ակտիվորեն է մասնակցում Սիրիայի իրադարձություններին:
Իրաքցիներին մոբիլիզացնելու գլխավոր դերը խաղում է Իրանը: դա պայմանավորված է նրանով, որ երկու երկրների բնակչության մեծ մասը շիաներ են:
