Բրիտանացի հնագետները, որոնք որոնում են Ռիչարդ 3-րդ արքայի գերեզմանը, բախվել են անսպասելի արդյունքների: Փորձաքննության արդյունքում պարզվել է, որ նրանց հայտնաբերած աճյունների մի մասը պատկանել են կնոջ: Այս մասին տեղեկացնում է The Daily Telegraph-ը:
Խոսքը երկու կմախքների մասին է, որոնք հայտնաբերվել են Լեստեր քաղաքի ավտոմեքենաների կայանատեղիում: Մի քանի դար առաջ այդտեղ գտնվել է Ֆրանցիսկյան տղամարդկանց մենաստան: Համարվում է, որ հենց այդ տարածքում էլ թաղված է եղել 1485թ. մահացած արքան:
Առաջին կմախքի վրա գիտնականները հայտնաբերել են բազմափիվ վնասվածքների հետքեր, ինչպես նաև ողնաշարի կորություն` այնպիսին, ինչպիսին ունեցել է Ռիչարդ 3-րդը` սապատի պատճառով:
Իսկ աճյունի երկրորդ մասը ուղղակի զարմացրել է: Գիտնականները կարծում են, որ գրեթե անհնար է ճշտել կնոջ ինքնությունը:
«Մենք գիտենք նվազագույնը մեկ կնոջ մասին, որ կապ է ունեցել այդ տղամարդկանց մենաստանի հետ՝ Էլեն Լուենորը, որը համարվում է դրա հիմնադիրը»,- ասում է հետազոտողներից Մեթյու Մորիսը:
Սակայն ֆրանցիսկյան վանականները օգնել են նաև շատ աղքատների, հիվանդների ու անտունների, այնպես որ` բացառված չէ, որ կինը կարող էր պարզապես անտուն լինել:
