Ռոնալդուի խելահեղ արդյունավետությունը (վիճակագրություն). Սպորտ

Մադրիդի «Ռեալ»-ի հարձակվող Քրիշտիանու Ռոնալդուն շարունակում է տպավորել իր արդյունավետությամբ:

Ինչպես արդեն տեղեկացրել ենք, իսպանական ակումբը երեկ Չեմպիոնների լիգայի գավաթի խաղարկության կիսաեզրափակիչ փուլի պատասխան խաղում հյուրընկալվելիս 4:0 հաշով հաղթել է Մյունխենի «Բավարիա»-ին, իսկ պորտուգալացին դուբլի հեղինակ է դարձել:

Դա Ռոնալդուի 250-րդ գոլն էր` «Արքայական ակումբ»-ի կազմում անցկացրած 243 հանդիպումներում:

Ձեր ուշադրությանն ենք ներկայացնում վիճակագրություն, թե «Ոսկե գնդակ»-ի կրկնակի դափնեկիրը յուրաքանչյուր մրցաշրջանում որքան գոլ է հեղինակել «Ռեալ»-ի կազմում մասնակցած խաղերում:

2009/2010թթ. մրցաշրջան. 35 խաղ, 33 գոլ

2010/2011թթ. մրցաշրջան. 54 հանդիպում, 53 գոլ

2011/2012թթ. մրցաշրջան. 55 խաղ, 60 գոլ

2012/2013թթ. մրցաշրջան. 55 հանդիպում, 55 գոլ

2013/2014թթ, մրցաշրջան. 44 խաղ, 49 գոլ

Արդյունքում` 243 հանդիպում, 250 գոլ