Առանց զուգընկերուհու մնալուց հետո 64-ամյա Գիրը, ով վաղուց է բուդիզմ դավանում և արդեն երկար տարիներ շփվում է Դալայ Լամայի հետ, նրան է դիմել խորհրդի խնդրանքով, գրում է Lady.ru-ն:
«Ռիչարդն ասել է, որ շատ է ցանկանում հարազատ հոգի գտնել, ում հետ կկիսի իր ոսկե տարիները»,- պատմել է աղբյուրը:
Լուրերի համաձայն՝ Դալայ Լաման նրան խորհուրդ է տվել հանդիպել և մեկ բաժակ թեյ խմել Պադմայի հետ: Իսկ նրանք շուտով իրոք մտերմացել են:
Հրատարակչության աղբյուրի տվյալներով՝ Ռիչարդն ու Պադման շատ են միմյանց նման, նրանք միասին մեդիտացիայով են զբաղվում, յոգայի դասընթացների են հաճախում, երգում են սանսկրիտով: Իսկ Պադման կարծում է, որ Ռիչարդը իր դստեր համար լավ օրինակ է:
«Հարաբերությունները հիանալի են զարգանում: Ռիչարդն արդեն ասել է Դալայ Լամային, որ երբ նա ամուսնանա Պադմայի հետ, ապա ցանկանում է, որպեսզի արարողությունը նա վարի և դա կլինի իր հոգևոր օրհնությունը»,- ավելացրել է աղբյուրը:
Պադմա Լակշմին մի քանի տարի ամուսնացած է եղել գրող Սալման Ռուշդիի հետ: Իր դստերը՝ Քրիշնային նա ունեցել է նախկին սիրեկան Ադամ Դելից: Գեղեցկուհին հանդիպել է նաև միլիարդատեր Թեդի Ֆորսթմանի հետ:
