ԱՄՆ նախագահ Բարաք Օբաման հոկտեմբերի 29-ին կոլումբիական La W ռադիոյի հետ հարցազրույցում հայտարարել է, թե հույս ունի, որ ճգնաժամից դուրս գալու ուղղությամբ ԵՄ երկրների համատեղ ջանքերը շարունակական կլինեն:
Սպիտակ տան ղեկավարը առանձին հիշատակել է Իսպանիայում բարդացող իրավիճակը և ԵՄ պետություններին կոչ է արել կանխել Մադրիդի «փլուզումը»:
ԱՄՆ առաջնորդը, խոսելով ԵՄ-ի հետ հարաբերություններից, այդ քաղաքական միավորումն անվանել է ԱՄՆ-ի մոտ դաշնակիցը: Հանդես գալով արդեն ընդհանուրի անունից՝Օբաման հայտարարել է, որ Արևմուտքի երկրները «չեն կարող Իսպանիայի անկում թույլ տալ»:
Երկարաժամկետ բարեփոխումնները, որոնք անցկացնում է Մադրիդը, կլինեն ողջ ԵՄ-ի օգտին՝ վստահ է Օբաման:
Խոսելով ԵՄ հանդեպ իր քաղաքականությունից՝ Օբաման ընդգծել է, որ դեմոկրատների վարչակազմը երկար է աշխատել այն ուղղությամբ, որ եվրոպացիները ճանաչեն ճգնաժամից դուրս գալու ուղիների համատեղ որոնման անհրաժեշտությունը:
ԱՄՆ-ում նախընտրական արշավի ժամանակ իսպանական թեման օգտագործել են նաև հանրապետականները:Այդ կուսակցությունից փոխնախագահի թեկնածու Փոլ Ռայանը հայտարարել է, որ այդ երկրի օրինակը ուսուցողական է ԱՄՆ-ի համար:Եթե Վաշինգտոնը չփոխի եվրոպական տնտեսական մոդելի վերարտադրման կուրսը, ապա Մադրիդի օրինակով ենթարկվում է խնդիրներին բախվելու ռիսկին:
Վերլուծաբանները նշում են, որ Բարաք Օբամայի ելույթը հասցեագրված է ԱՄՆ-ի լատինաամերիկյան համայնքին: Իսպանախոս երկրների ներկայացուցիչների մեծ մասը աջակցում է դեմոկրատներին, և Վաշինգտոնում այդ հանգամանքին մեծ նշանակություն են տալիս:
Այսպիսով՝ լրագրող Ռիկ Գրինի հետ զրույցի ժամանակ գործող նախագահը խոստովանել էր, որ եթե հասնի հաղթանակի, ապա միայն շնորհիվ լատինաաամերիկացիների ձայների:
«Քանի որ սա չի ձայնագրվում, ես կասեմ ուղիղ: Եթե ես հաղթեմ, ապա դա տեղի կունենա այն պատճառով, որ հանրապետական թեկնածուն և Հանրապետական կուսակցությունը խիստ օտարվել են բնակչության ամենաարագ աճող խմբից՝ լատինաամերիկյան համայնքից»,-լրագրողին ասել է Օբաման:
Ռիք Գրինի անզսպության արդյունքում խոսկացությունը մամուլին հայտնի է դարձել, և Սպիտակ տունը ստիպված է եղել հրապարակել դրա սղագրությունը:
