Մադրիդի «Ռեալ»-ի վերջին կորուստները պաշտպանությունում ստիպեցին Ժոզե Մոուրինյոյին դիմել շատ ռիսկային քայլի ու մեկնարկային կազմում տեղը վստահել 19-ամյա երիտասարդ պաշտպան Ռաֆայել Վարանին: Այդ օրվանից ի վեր Սերխիո Ռամոսը վերադարձել է իրեն ավելի հարազատ աջ եզր:
Ռաֆայել Վարանը, սակայն, իր հիանալի խաղով կարողացավ վերացնել բոլորի կասկածները: Ֆրանսիացի պաշտպանը դեռևս «Բորուսիա»-ի դեմ խաղում բավականին վստահ խաղ ցուցադրեց, ինչից հետո Մոուրինյոյի մոտ նրա ունեցած վստահությունը բավականին աճեց:
Իսկ ահա «Մալյորկա»-ի դեմ խաղում Վարանն ընդհանրապես չեզոքացրեց մրցակցի ձեռնարկած բոլոր գրոհները: Հեմեդը, Վիկտորն ու մյուս խաղացողները պարզապես չէին կարողանում անցնել ֆրանսիացուն:
Իր նման խաղով Ռաֆայել Վարանը արժանացավ ժոզե Մոուրինյոյի գովասանքին, ով հայտարարեց, որ Վարանը, չնայած իր երիտասարդ տարիքին, հիանալի է խաղում ու արժանի է մեկնարկային կազմում տեղ զբաղեցնելուն:
