Այսօր, թերևս, լրացուցիչ քաշով դժվար է զարմացնելը, սակայն այս երեխան իսկապես ցնցում է իր գիրությամբ: Արևմտյան Բենգալիայում ապրող 6-ամյա աղջկա քաշը 91 կգ է: Այդ քաշը նորմալ կհամարվի այն դեպքում, երբ խոսքը 2 մ հասակով հասուն տղամարդու մասին լինի: Սումանը պետք է կշռի 5 անգամ քիչ:
Աղջիկը հարուստ ընտանիքում չի ապրում, ուստի նրա հոր վաստակած գումարն ամբողջությամբ ծախսվում է չհագեցող դստեր քաղցը բավարարելու վրա: Մեկ շաբաթում Սումանը ուտում է մոտավորապես 8 կգ կորտոֆիլ 14 կգ բրինձ, 8 կգ ձուկ և մոտ 200 բանան, դեռ չհաշված մնացած սնունդը և քաղցրավենիքը: Երբ տան մթերքն ավարտվում է, աղջիկը սկսում է այցելել հարևանների տները՝ ուտելու բան գտնելու:
Իհարկե, նրա ծնողները բացարձակապես գոհ չեն իրենց զավակի այդ հակումներից, սակայն ոչ մի կերպ չեն կարողանում հսկողության տակ պահել նրա ախորժակը: Բավական է Սումանին մերժել սննդի հերթական չափաբաժինը, աղջիկն ընկնում է հիստերիայի մեջ: Այսպիսով՝ ծնողների միակ հույսը բժիշկներն են, ովքեր աղջկա մոտ ախտորոշել են հորմոնային անհավասարակշռություն, որի պատճառով էլ երեխան ունի այդպիսի ահավոր ախորժակ:
