Շարունակում ենք ռետրո տեսանյութերի շարքը:
Ինչպես արդեն տեղեկացրել ենք, ապրիլի 25-ին 45 տարեկան հասակում կյանքից հեռացել է «Բարսելոնա»-ի նախկին գլխավոր մարզիչ Տիտո Վիլանովան: Այդ ցավալի լուրից հետո իսպանական լրատվամիջոցները հետաքրքիր տեսանյութ են ներկայացրել, որն առնչվում է Վիլանովային:
Նա, անցյալում հանդես գալով իսպանական «Լեյդա» ակումբի կազմում, գոլի հեղինակ է դարձել կատալոնական ակումբի դեմ մրցավեճում: Հետաքրքիր այն է, որ այդ խաղում «Բարսելոնա»-ի ֆուտբոլիստների գործողությունները ղեկավարել է Ժոզե Մոուրինյոն, ով գլխավոր մարզիչ Լուի վան Գալի բացակայությամբ կատարում էր հոլանդացու պարտականությունները:
Փաստորեն, Մոուրինյոյի թիմերին` որպես գլխավոր մարզիչ, առաջինը գոլ է խփել հենց Տիտո Վիլանովան:
