2012 թ. հոկտեմբերի 1-ի դրությամբ Բելառուսի պահուստներում մնացել է 1,3 մլն ունցիա (40,4 տոննա) ոսկի՝ 100 հազար ունցիայով քիչ, քան 1 ամիս առաջ էր: Այս մասին հայտնումն է Interfax-ը՝ հղում կատարելով երկրի Ազգային բանկին:
Հատկանշական է, որ Բելառուսի ոսկու պահուստը գումարային արտահայտությամբ ոչ միայն չի նվազել, այլև ավելացել է 4 տոկոսով՝ մինչև 2,35 մլրդ դոլար:9 ամսում աճը կազմել է 23.6 տոկոս՝ դոլարային հաշվարկով, ու 8.3 տոկոս՝ քանակական։ Տարեսկզբին պահուստներում հաշվվում էր միայն 1,2 մլն ունցիա:
Թե ինչու է երկրի Ազգային բանկին անհրաժեշտ եղել վաճառել ոսկին, հայտնի չէ: Բացառված չէ, որ դա կարող է կապված լինել թանկարժեք մետաղների ակտիվների պահանջարկի հետ:
Ավելի վաղ հաղորդվում էր, որ սեպտեմբերի արդյունքով Բելառուսում կտրուկ աճել է տարադրամի նկատմամբ պահանջարկը՝ ռեզիդենտ ընկերությունները 1 ամսում գնել էին 169 մլն դոլար (օգոստոսին՝ 87 մլն դոլար), իսկ ֆիզիկական անձինք՝ 242,8 մլն դոլար (օգոստոսին՝ 37,2 մլն դոլար):
