Ամերիկյան The New York Times, The Wall Street Journal ու Newsday հրատարակությունները հրաժարվել են իրենց կայքեր վճարովի մուտքից ԱՄՆ արևելյան ափերին «Սենդի» փոթորկի մոտեցման պատճառով: Այս մասին վերջիններս հայտնել են իրենց միկրոբլոգներում:
Այսպես, WSJ-ի թվային ցանցի գլխավոր խմբագիր Ռաջու Նարիսետին Twitter-ի իր միկրոբլոգում գրել է, որ «Սենդի» փոթորկի մոտեցմանը զուգահեռ WSJ-ն բաց կլինի հոկտեմբերի 29-ին իր բոլոր այցելուների համար անխտիր»:
NYT-ի, ինչպես նաև նյույորքյան Newsday թերթի Twitter-ի կայքում հաղորդվում է, որ թերթերը տրամադրում են ազատ ու անսահմանափակ մուտք փոթորկին վերաբերող բոլոր լուրերին:
«Սենդիի» մոտեցմամբ պայմանավորված Նյու Յորք նահանգում դեռ հոկտեմբերի 26-ին հայտարարվել է արտակարգ դրություն:
Սպասվում է, որ փոթորիկը Նյու Յորքին կհասնի արդեն այսօր: Դրա պատճառով քաղաքում կկասեցվի հասարակական տրանսպորտի աշխատանքը, հետաձգվել են դպրոցներում պարապմունքները:
