ԱՄՆ Հյուսիսային Կարոլինա նահանգում միանգամից մի քանի տորնադո է հարվածել`ավերելով կամ վնասելով մոտ 200 տուն: Այս մասին հաղորդում է CBS հեռուստաալիքը` վկայակոչելով ազգային օդերևութաբանական ծառայությանը:
Նահանգը տարերքի հարվածի ներքո է հայտնվել դեռևս ուրբաթ օրը, սակայն ԶԼՄ-ները նախապես հայտնել են փոթորկի մասին: Շաբաթ օրը օդերևութաբանները հաստատել են, որ Փիթ և Բոֆորթ շրջաններում տորնադո է տեղի ունեցել:
Արտակարգ ծառայության ներկայացուցիչ Ջոն Փաքի խոսքերով` մոտ 16 մարդ է հիվանդանոց դիմել:
Բացի այդ, 200 տներ կամ բավականին վնասվել են, կամ ավերվել: Տարերքի ժամանակ 8 հազար մարդ առանց լույսի է մնացել:
