Հայաստանի Հանրապետական կուսակցության ներկայացուցիչ, ԱԺ պատգամավոր Արտակ Զաքարյանը ՆԺԿ նախագահ Արամ Կարապետյանի հետ բանավեճի ժամանակ ԼՂ հարցի կարգավորման հարցում կարեւորեց միջնորդների ջանքերը: Արտակ Զաքարյանը նշեց, որ այս պահին գոյություն ունեն «Մադրիդյան սկզբունքներ»: Նա ԼՂ հարցի լուծումը կապում է տարածաշրջանում տեղի ունեցող գործընթացների հետ: Արտակ Զաքարյանի դիտարկմամբ` այս պահին գոյություն չունեն «ճանապարհային քարտեզ» ստորագրելու նախադրյալներ: Այդ իսկ պատճառով նա կարծում է, որ գործընթացը տապալված համարել չի կարելի: Անդրադառնալով Արամ Կարապետյանի դիտարկմանը , թե միջազգային հանրությունը կարող է առաջարկել Դեյթոնյան տարբերակ` Արտակ Զաքարյանը նշեց, որ դա կարող է լինել այն դեպքում, երբ երկու կողմերի շահերը եւ դիրքորոշումները համընկնեն, ինչի մասին այսօր դեռ վաղ է խոսելը:
