Իրանական Fars News լրատվական գործակալության փոխանցմամբ` վաղը Թեհրան է ժամանելու Եվրախորհրդարանի պատվիրակությունը: Այցը կտևի հոկտեմբերի 28-ից մինչև նոյեմբերի 2-ը:
Դա կլինի վերջին 5 տարիներին Եվրախորհրդարանի պատվիրակության առաջին իրանական այցը: Այցի շրջանակներում բանակցություններ են անցկացվելու իրանական ղեկավարության և Եվրախորհրդարանի պատվիրակության միջև: 5 եվրապատգամավորից բաղկացած խումբը գլխավորում է Եվրախորհրդարանի` Իրանի հետ փոխգործակցության սեկցիայի նախագահ, ֆինն Տարյա Կրոնբերգը:
Եվրախորհրդարանի պատվիրակության հետ միաժամանակ Իրան կժամանի գերմանական պատվիրակությունը:
