Грузия Online-ի փոխանցմամբ՝ Վրաստանի խորհրդարանի նախկին խոսնակ Նինո Բուրջանաձեն այսօր լրագրողների հետ զրույցում հայտարարել է, որ իր գլխավորած «Դեմոկրատական շարժում – միասնական Վրաստան» կուսակցությունը հայտարարում է նոր կառավարության քննադատության եռամսյա մորատորիումի մասին.
«Տրամաբանական է, որ նոր կառավարությանը ժամանակ տրվի` ուսումնասիրելու երկրում առկա խնդիրները և իր ուժերը մոբիլիզացնի դրանց լուծման համար: Նոր կառավարության ծրագիրն ամբողջովին համապատասխանում է ժողովրդի պահանջներին ու սպասումներին և 90 տոկոսով համընկնում է մեր կուսակցության ծրագրին ու հայացքներին:
Ելնելով դրանից` մեզ համար շատ կարևոր է այդ ծրագրի իրագործումը և քաղաքական առումով ընդունելի է դրան աջակցելը: Հոկտեմբերի 1-ի խորհրդարանական ընտրություններում երկրի բնակչության մեծ մասը քվեարկեց արժեքային փոփոխությունների օգտին, որոնց հիմքում երկրում արդարության վերականգնումն է»:
