Ադրբեջանական Trend լրատվական գործակալության փոխանցմամբ՝ այս տարվա հունվար-սեպտեմբեր ամիսներին Թուրքիայի տարածքում «Բաքու-Թբիլիսի-Ջեյհան» (ԲԹՋ) նավթամուղով փոխադրվել է մոտ 192,660,000 բարել նավթ:
Նախորդ տարվա հաշվետու ժամանակահատվածում այդ ցուցանիշը կազմել է մոտ 200,830,000 բարել նավթ: Այս մասին նշված է թուրքական «Բոթաշ» պետական խողովակաշարային ընկերության պաշտոնական կայքում: Ողջ 2011 թվականին Թուրքիայի տարածքում ԲԹՋ-ով փոխադրվել է մոտ 257,150,000 բարել նավթ, իսկ 2010 թվականին՝ գրեթե 288,200,000 բարել նավթ:
Այս տարվա հունվար-սեպտեմբերին «Քիրքուք-Յումուրթալըք» (Ջեյհան) խողովակաշարով Թուրքիայի տարածքում փոխադրվել է մոտ 109,750,000 բարել նավթ՝ նախորդ տարվա միևնույն ժամանակահատվածի 107,970,000 բարելի դիմաց: 2011 թվականին այս նավթամուղով փոխադրվել է մոտ 147.2 միլիոն բարել նավթ, իսկ 2010 թվականին՝ մոտ 132.3 միլիոն բարել նավթ:
